和仔從小愛踢波，立志成為職業球員，帶領香港隊打入世界盃，由於年少已發現自己球技了得，中三就離開學校，不理父母反對，自薦到南華會踢青年軍，不消幾年，已經由後備球員，踢入甲組，正值當打時期，任職左路，協助球會獲獎無數。和仔的硬淨打法，深得球迷喜愛，更多次獲選港隊成員，成績有目共睹。
和仔知道運動員需要體力，絕不可以把踢波當作終身職業，他享受球迷的歡呼聲，但這一切都是短暫，像戀愛一樣，熱戀期燃燒過的快樂，慢慢隨時日消逝，變成習以為常之後，落得苦悶收場，最後就只有無奈。和仔煙不離手，他覺得納悶時，就會把煙仔點燃，用一枝煙的時間，吹散滿腔悶愁。跟所有煙鏟一樣，以為食煙可以解悶，那知道煙一枝吸完一枝，都帶不走煩惱，煙癮皆因煩惱起，萬般帶不走，唯有悶隨身。
英格蘭乃和仔至愛，萬人迷碧咸是他的偶像，仰慕碧咸的球技，擁有一張俊臉，與一位美麗妻子。人到中年的和仔，仍是單身一人，因為踢波在香港搵唔到食，社會地位不高，難以覓得如意女子，加上港女奄尖腥悶，每每令和仔卻步，拖過兩三條女，仍找不到結婚對象。和仔相約朋友到大排檔食飯飲飽食醉之後，都會吹水傾計，有朋友叫他放棄踢波，自己出來攪生意，但和仔知道自己不是做生意材料，婉拒朋友的好意。
還記得幾年前，和仔返羅湖歎正骨，在燈線幽暗的房間內，與骨妹阿秀吹起水來，和仔用唔咸唔淡的普通話問阿秀，點解佢要做按摩院，阿秀一面把按和仔背脊，一面回答，她說有得選擇的話，她會做小學老師，春風化雨，為祖國的下一代出一分力，但生活逼人，眼前是物質社會，沒有錢生活就過得不好，在無得選擇的情況下，唯有馬死落地行，用自己雙手，養活自己。和仔被阿秀這番話打動，私人俾了兩舊水貼士，阿秀為報答和仔的慷慨，亦知幫人出火勝過七級浮屠，就用雙手救火，普渡眾生。善哉。
