好兄弟

好兄弟係放在心裡面，唔駛o下o下攞出來曬。

韓國仔Herold同印度仔Kumar四年前指拍左套〈Herold & Kumar Go To White Castle〉，當年票房仆直，不過DVD卻大收六千萬旺場，終於在今年推出延續篇全國上演，繼續吸毒、公路、美女、種族、當然有更多的屎尿屁。咸濕仔是個Moive Junky，狗屎垃圾咩差都睇，唔怕戲爛，最怕拍得唔夠爛。

White Castle係美國地道漢堡包專門店，講明專門，就梗係淨係得漢堡包食，不過那些漢堡的體積很小，一啖一個，一次要吃二、三十個先飽肚。第一集就係講兩條友仔上山下水、穿州過省，尋找White Castle之旅。此片的台灣譯名是<尋堡之旅>。咸濕仔係朋友屋企一齊睇，他們提醒我要睇埋DVD的選項，因為這是最離譜、最有趣的片頭。

第二集〈Herold & Kumar Escape from Guantanamo Bay〉 延續公路片格局，笑料更cheap更bad taste，好此道者，一定視之如寶。故事大概講兩個死當去阿姆斯特丹旅行/隊草，亞差仔係飛機度，俾亞婆認錯係恐怖份子，俾國防部捉住左，一口咬定佢地係邪惡北韓同阿蓋達聯手炸飛機，將佢地踢入關塔那摩灣基地，之後成功逃獄，仲去左德州探薯仔總統，途中誤打誤撞，好玩攪笑。