喪

要虐待一個人至死，可以有過萬種方法。古代酷刑有五馬分屍、凌遲處死、腰斬宮刑等。當權者為張顯威信，通常用重刑，賞罰分明的明君寥寥無幾，此定律中外皆通。不過，現時世界文明，虐待成為變態的代名詞，酷刑只在第三世界獨市經營。
Hostel Part 1 & 2，將虐待之風帶到東歐，反美至極，將一眾白人靚仔靚女，折磨至死，不流鮮血決不休。Part 1 是虐待者之歌，Part 2 是被虐者成魔之路，各有各精采。導演 Eli Roth 是個不折不扣的顛佬，在拍 Hostel 之前，已有一套前科 Cabin Fever，講屍體腐化污染河水，飲過的人全身腐爛而死。有無醫學根據就未知，不過吸引到喪友昆塔倫顛奴的注意，出錢俾佢拍 。所以在兩集裡面，Eli 都有向這位伯樂致敬。Part 1 ，美國仔進入旅館時，電視上播著 Pulp Fiction 的片段。Part 2 ，血之洗禮，鐮刀割耳仔，同 Reservoir Dogs 一模一樣。
因為 Part 2 有太多喪料，好多國家都唔敢上映Full Version，馬來西亞直頭禁播。不過，咸濕仔睇完之後，好想Part 3 快快完成，睇下佢仲有幾喪....